Costau Byw
Rydym yn cymryd camau i helpu myfyrwyr drwy'r argyfwng Costau Byw.
Hyb Costau Byw
Rydyn ni’n cynnig cefnogaeth i fyfyrwyr yn ystod yr Argyfwng Costau Byw. Ynghyd â’r Brifysgol, rydym yn gweithio’n galed i gefnogi myfyrwyr wrth i gostau byw gynyddu – gan gynnwys bwyd, teithio, rhent a chyfleustodau.
Rydym wedi creu ein hyb Costau Byw i'ch helpu i ddod o hyd i gynhaliaeth a chael gwybod am ddatblygiadau. Rydym yn ymdrin â ffyrdd o gael mynediad at gymorth ariannol, ble i ddod o hyd i gyngor, a ffyrdd eraill rydym yn cefnogi ac yn cynrychioli myfyrwyr.
Os oes gennych chi gwestiynau neu os oes angen help arnoch chi, gallwch gysylltu â ni unrhyw bryd union@uwtsd.ac.uk.
👉 Neges gan eich Swyddogion Sabothol
Mae eich Undeb wedi ymrwymo i helpu myfyrwyr PCyDDS drwy’r Argyfwng Costau Byw. Rydym yn gwrando ar eich adborth a’ch syniadau, yn gweithio gyda’r Brifysgol, ac yn ymgyrchu gyda’n Llywodraethau i helpu sicrhau bod cymorth yno pan fyddwch chi ei angen.
Vanessa, Taya, a Bronwyn
Tîm Swyddogion Sabothol 2022/23
ℹ️ Adnoddau a Gwybodaeth Ddefnyddiol
Dyma adnoddau defnyddiol i'ch helpu i gael mynediad at gyngor, cymorth ariannol a gwasanaeth i'ch helpu. Rydym hefyd wedi cynnwys gwybodaeth bwysig am wasanaethau a phrosiectau a all fod o gymorth.
Cyllido
Energy Price Support ⚡
Ben Lake has given us a template letter that the Government has made to help student tenants who believe they are entitled to support with their energy bill. This letter can be sent to your landlord.
Bwrsariaethau newydd ar gyfer myfyrwyr 💷
Gall myfyrwyr gael gafael ar fwrsariaethau yn uniongyrchol gan y Brifysgol i helpu gyda chostau byw. Mae yna sawl math gwahanol; gallwch chi ddod o hyd i restr ohonyn nhw i gyd ar wefan y Brifysgol.
Cael cymorth gyda chyllidebu 📝
Gyda chostau bob-dydd yn cynyddu, mae dysgu sut i gyllidebu a rheoli eich arian yn bwysicach nag erioed. Gallwch ddod o hyd i gyngor defnyddiol ar wefan y Brifysgol.
Mynnwch gymorth a chyngor gan elusennau 👈
Rydyn ni wedi llunio rhestr o elusennau sy’n darparu cyngor a chymorth defnyddiol.
Bywyd Myfyrwyr
Cawl a Rhôl am £1 🍲
Gallwch gael powlen o gawl i’ch cynhesu a rhôl fara am ddim ond £1 o ffreuturau'r Brifysgol.
Hybiau bwyd ar y campws 🥫
Mae hybiau bwyd yn rhoi cyfle i fyfyrwyr gael gafael ar fwydydd ar gyfer eu cwpwrdd - gallwch chi helpu eich hun i unrhyw fwyd sydd ei angen arnoch chi. Gallwch hefyd gyfrannu eitemau i’r hyb bwyd i helpu cyd-fyfyrwyr sydd mewn tipyn o angen.
Lleoliadau Hybiau Bwyd
Campws Caerdydd
Ardal Argraffu Myfyrwyr, Tŷ Hayward
Campws Caerfyrddin
CWAD
Campws Llambed
Ystafell Gyfrifiaduron Las
Campws Abertawe
IQ, 2il Lawr
Campws Busnes Abertawe,
3ydd Llawr Dinefwr, Stiwdio Griffith
Rhewi rhent ar gyfer llety'r Brifysgol ar gyfer 2023/24 🏠
Mae’r Brifysgol wedi cytuno i rewi rhenti ar gyfer yr holl lety myfyrwyr sy’n eiddo i’r Brifysgol ar gyfer 2023/24 – mae hyn yn golygu y bydd rhent y flwyddyn nesaf yr un fath ag eleni.
Dros 30 o ddigwyddiadau am gost isel gydag ond ychydig o ymrwymiad gyda
Rhowch Gynnig Arni 🎟️
Yn ystod y tymor cyntaf yn unig, rydym wedi cynnal dros 30 o ddigwyddiadau Rhowch Gynnig Arni ar draws holl gampysau PCyDDS. Rydyn ni eisiau i fyfyrwyr gael profiadau anhygoel, gwneud ffrindiau newydd, a theimlo'n gysylltiedig â'u campws - dyna pam rydyn ni wedi lansio rhaglen Rhowch Gynnig Arni gyda llawer o ddigwyddiadau cyffrous a rhad (gyda rhai am ddim hefyd).
Gallwch edrych ar dudalen we Rhowch Gynnig Arni am ddigwyddiadau sydd ar y gweill, ynghyd â’r holl fanylion.
Gwerth dros £2,000 o luniaeth am ddim ☕
Y tymor hwn yn unig, rydym wedi rhoi gwerth dros £2,000 o de, coffi, cacennau a byrbrydau i fyfyrwyr yn ein Hundebau Dros-dro ar draws ein holl gampysau.
Digwyddiadau am ddim ar gyfer y Deucanmlwyddiant 🕺
Rydym yn cynnal 21 o ddigwyddiadau am ddim i fyfyrwyr eu mwynhau ar draws ein holl gampysau i nodi deucanmlwyddiant PCyDDS.
£8,000 ychwanegol ar gyfer Clybiau a Chymdeithasau 🏅
Gall ein clybiau a chymdeithasau gael grantiau hyd at £500 i helpu gyda chostau gweithgareddau, teithiau, offer, hyrwyddo a mwy.
Ymgyrchu
Rydym wedi ysgrifennu at AS ac ASC ✉️
Rydym yn cefnogi myfyrwyr hyd orau ein gallu, ond mae angen i’n Llywodraethau weithredu mewn ffordd ystyrlon. Dyna pam mae Llywyddion eich Undeb wedi ysgrifennu at Aelodau Seneddol ac Aelodau Senedd Cymru ar eich rhan.
Cyfleoedd â Thâl
Interniaethau â thâl i fyfyrwyr ⭐
Rydyn ni wedi lansio dros 30 o interniaethau â thâl - dyma'r mwyaf rydyn ni erioed wedi'u cynnal! Bydd interniaid a benodir yn derbyn bwrsariaeth o £1,000 am 10 -15 awr o waith y mis.
Rydym yn talu myfyrwyr yn unol â'r Cyflog Byw Gwirioneddol 💰
Mae ein holl interniaethau a swyddi myfyrwyr yn cael eu talu yn unol â'r Cyflog Byw Gwirioneddol.
📰 Newyddion Diweddaraf
Dyma'r newyddion diweddaf gan yr Undeb am yr holl bethau sy’n ymwneud â Chostau Byw.
📣 Ymgyrchu
Gyda’i gilydd, mae’r Undeb a'r Brifysgol yn gweithio’n galed i roi cymorth i fyfyrwyr. Dyma’r amser i’n Llywodraethau gymryd camau cyflym ac ystyrlon i gefnogi myfyrwyr drwy’r Argyfwng Costau Byw. Rydym wedi ysgrifennu at Aelodau Seneddol yn San Steffan ac Aelodau Senedd Cymru, yn gofyn iddynt gynnig cymorth ychwanegol.
Llofnodwch Ymgyrch UCM
Mae ymchwil costau byw gan UCM yn dweud wrthym fod bron i draean y myfyrwyr a holwyd yn gorfod byw ar ddim ond £50 y mis ar ôl talu eu rhent a'u biliau - gyda 52% o fyfyrwyr yn gwario llai ar fwyd a doedd 68% ddim yn gallu fforddio deunyddiau ar gyfer eu cwrs mwyach. Gallwch lofnodi ymgyrch UCM wrth iddynt ofyn i'r Llywodraeth am gymorth wedi'i deilwra’n benodol ar gyfer myfyrwyr.
Ysgrifennu at eich AS
Ydych chi am ysgrifennu at eich AS eich hun? Gallwch ddefnyddio ffurflen ar-lein am ddim gan UCM i ddod o hyd i'ch AS yn gyflym ac anfon e-bost atyn nhw (mae yna hyd yn oed dempled i chi ei ddefnyddio).
Undeb Myfyrwyr PCyDDS yw’r elusen sydd yma i helpu myfyrwyr PCyDDS i wneud y gorau o’u hamser yn y brifysgol drwy, gynnig cyngor, cynrychiolaeth, cyfleoedd a digwyddiadau.
Ein Swyddfeydd
Gwybodaeth Ddefnyddiol
Mae Undeb Myfyrwyr PCyDDS yn enw brand sy’n perthyn i Undeb Myfyrwyr y Drindod Dewi Sant • © Undeb Myfyrwyr Drindod Dewi Sant, Cedwir Pob Hawl. Rhif Elusen Gofrestredig yng Nghymru a Lloegr: 1157951. Cwmni Cyfyngedig dan warant: 09103924
Mae Undeb Myfyrwyr PCyDDS yn aelod o Undeb Cenedlaethol y Myfyrwyr (UCM), Elusen UCM a Chymdeithas Chwaraeon Prifysgolion a Cholegau Prydain (BUCS). Dysgwch fwy ar ein tudalen we ymaelodaethau.
