Dydd Mawrth 01-04-2025 - 09:36

Mae Natalie, Llywydd Campws Abertawe, wedi bod yn brysur yn gweithio gyda chi i gasglu gwybodaeth am sut mae'r Argyfwng Costau Byw yn effeithio arnoch chi a'ch amser yn y brifysgol. Bu nifer o arolygon, stondinau dros-dro a mynd ati i ateb eich cwestiynau, i gyd ag un nod – i helpu â gwella eich profiad fel myfyriwr. 

Arolwg Mannau Cymdeithasol

Y flwyddyn academaidd ddiwethaf, cynhaliodd Natalie gyfres o stondinau dros-dro a holiaduron yn gofyn beth oeddech chi eisiau ei weld yn eich ardaloedd myfyrwyr ar y campws. Trwy'r arolygon hyn, roedd hi'n gallu gweld bod gofyn am fwy o eitemau fel ffyrnau microdon a thegellau ar y campws, a fyddai'n caniatáu i chi baratoi bwyd a diodydd poeth yn ôl y galw, gan helpu i wneud eich profiad myfyriwr yn fwy fforddiadwy.

Ar ôl gweld faint o bobl oedd yn ei chael yn anodd ymdopi â Chostau Byw, penderfynais wneud hwn yn un o fy mhrif amcanion ar gyfer y flwyddyn academaidd hon.

- Natalie Beard, Swansea Campus President

Ffyrnau Microdon a Thegellau

Mae Natalie, Undeb y Myfyrwyr a thîm y Brifysgol wedi gweithio gyda'i gilydd i ddarparu nifer o orsafoedd ar eich Campysau yn Abertawe lle byddwch yn gallu cael mynediad i ffyrnau microdon a thegellau, waeth pa adeg o’r dydd y byddwch chi ar y campws.

Lleoliadau

Bellach mae tegellau a ffyrnau microdon yn y mannau canlynol ar y campws:

Campws Busnes Abertawe
Caffi 3ydd Llawr, microdon a ddarparwyd gan y Brifysgol a thegell wedi'i ychwanegu gan Undeb y Myfyrwyr

Campws Dinefwr
Caffi 3ydd Llawr, microdon a thegell wedi’u darparu gan Undeb y Myfyrwyr

Campws IQ
Llawr Gwaelod – i'r dde o ardal Undeb y Myfyrwyr, microdon a thegell wedi’u ddarparu gan Undeb y Myfyrwyr

Llawr 1af, microdon wedi’i darparu gan y Brifysgol

2il Lawr, microdon wedi’i darparru gan y Brifysgol

Canolfan Dylan Thomas
Llawr Gwaelod, ardal Undeb y Myfyrwyr, microdon, tegell a pheiriant coffi, wedi’u darparu gan Undeb y Myfyrwyr

Cymorth Costau Byw Arall

Gyda'r Arolwg Costau Byw, mae Natalie wedi gallu dod o hyd i feysydd allweddol o gymorth sydd ei angen. Mae eich llais yn hanfodol i helpu â lobïo am fwy o gefnogaeth gan y brifysgol a thu hwnt.  

I ddweud eich dweud, llenwch ein harolwg Costau Byw

Hybiau Bwyd

Ni ddylai unrhyw un fynd i'r dosbarth eisiau bwyd - Os ydych chi ar un o'n Campysau yng Nghymru, gallwch nawr fachu Pot Noodle neu Cup-a-Soup am ddim - ynghyd ag eitemau bwyd eraill. Gallwch gasglu'r rhain o’r hybiau bwyd ar y campws.

Mae eich hybiau bwyd yn cael eu rhedeg gan y brifysgol; os oes gennych chi unrhyw gwestiynau e-bostiwch operations@uwtsd.ac.uk

Abertawe

Campws IQ
Llawr Gwaelod

Campws Dinefwr
Caffi 3ydd Llawr

Campws Busnes Abertawe
Caffi 3ydd Llawr

Mwy o leoliadau yn dod yn fuan!

Cynhyrchion Mislif

Mae yna unedau Dewis a Dethol cynhyrchion mislif ar y campws; cychwynnwyd y fenter hon gan Taya Gibbons, Llywydd y Grŵp 2023/24 ac mae’n cael ei pharhau gan Natalie, gyda mwy yn cael eu hychwanegu at y campws i’w gwneud yn haws cyrchu’r hanfodion hyn.

Gallwch ddod o hyd i un o unedau Dewis a Dethol Undeb y Myfyrwyr ar draws ein holl gampysau; maent yn dangos brand Undeb y Myfyrwyr ac maent yn llawn eitemau i chi eu cymryd am ddim pan fo angen.

Mae’r canlynol ar gael ar hyn o bryd yn ein hunedau Dewis a Dethol: 
condomau, tamponau, iriad, tywelion mislif

Sylwch y gall mathau o eitemau amrywio ychydig yn dibynnu ar y campws ac argaeledd.   

Lleoliadau

Abertawe:  
Campws Dinefwr, is-lawr gyferbyn â'r toiledau
Canolfan Dylan Thomas, Derbynfa Undeb y Myfyrwyr 

Caerfyrddin: 
Swyddfa Undeb y Myfyrwyr 

Llambed: 
Swyddfa Undeb y Myfyrwyr 

Caerdydd: 
Ardal Argraffu’r Myfyrwyr 

Llundain: 
Llawr gwaelod, gyferbyn â'r toiledau 
Llawr 1af, gyferbyn â'r toiledau 
 

Birmingham (Quay Place): 
Louisa House – llawr 1af, ger cefn ystafell gyffredin y myfyrwyr 
Vincent House – llawr gwaelod, gyferbyn â’r ddesg gymorth TG
 

Birmingham (Sparkhill):
Llawr gwaelod, tua chefn ystafell gyffredin y myfyrwyr

Mannau Cymdeithasol ar y Campws

Fe wnaethoch chi ofyn am fwy o fannau cymdeithasol ar eich campysau yn Abertawe ac rydyn ni’n ceisio trefnu hyn ar eich cyfer. Mae Natalie ar hyn o bryd yn gweithio gyda'r brifysgol i ddod o hyd i'r lle perffaith iddyn nhw ar eich campysau.

Erbyn hyn, mae yna ardal gymdeithasol ar gyfer myfyrwyr yng Nghanolfan Dylan Thomas – gyda ni yn Undeb y Myfyrwyr!

Yn yr ardal hon fe welwch chi soffa enfawr, consolau gemau (PS5 a Nintendo Wii), gemau bwrdd, ffyrnau microdon, tegellau ac oergell, ac maen nhw i gyd ar gael i chi eu defnyddio am ddim!

Sut alla i ddefnyddio'r ardal hon?
Mae'r ardal gymdeithasol hon i fyfyrwyr ar agor rhwng 09:00 - 17:00, o ddydd Llun i ddydd Gwener - a gall Clybiau a Chymdeithasau archebu lle i ddefnyddio'r gofod y tu allan i'r oriau hyn trwy e-bostio ein tîm Cyfleoedd Myfyrwyr yn suopportunities@uwtsd.ac.uk