Dydd Llun 24-03-2025 - 16:07

Rydym yn sylweddoli y gall fod angen rhywfaint o gymorth arnoch ar hyd eich taith fel myfyriwr. Gall hyn fod yn gymorth ynghylch prosesau academaidd yn ogystal â chymorth gyda’ch arian a’ch llety. Mae ein cyngor am ddim, yn gyfrinachol ac yn annibynnol ac mae ein tîm wrth law i sicrhau bod gennych yr wybodaeth gywir i wneud penderfyniadau gwybodus. 

Yr hyn y gall y Tîm Cynghori ei wneud i helpu

Gall y tîm cynghori helpu i ddarparu cymorth ac arweiniad ynghylch prosesau academaidd. Gallai hyn fod yn Apeliadau Academaidd, Camymddwyn Academaidd, Cwynion, Addasrwydd i Ymarfer, Camymddwyn Anacademaidd, Tarfu ar Astudiaethau ac Amgylchiadau Esgusodol. 
Gallwn ddarparu gwybodaeth am bolisïau’r Brifysgol yn ogystal â chymorth ynghylch sut i wella’r siawns y byddwch yn cael canlyniad llwyddiannus. Mae hefyd yn bosib y bydd ein tîm cynghori’n cynnig mynychu cyfarfod gyda chi fel cefnogaeth, ond ni fyddem yn siarad ar eich rhan fel arfer.

Gall y tîm cynghori hefyd ddarparu cymorth ynghylch tai, cyllid a llesiant, yn ogystal â’ch cyfeirio at sefydliadau a allai ddarparu cymorth arbenigol pellach.  

Yr hyn na all y Tîm Cynghori ei wneud i helpu

Ni fydd y tîm cynghori fel arfer yn gweithredu nac yn llenwi ffurflenni ar eich rhan. Ein rôl yw eich grymuso i allu gwneud penderfyniadau gwybodus. 

Nid yw'r tîm cynghori yn rhan o unrhyw brosesau gwneud penderfyniadau ynghylch eich achos gan ein bod yn annibynnol ar y Brifysgol.

Pa gymorth gallaf i ddod o hyd iddo ar y Wefan?

Rydym yn sylweddoli efallai na fydd gennych yr amser bob tro i estyn allan at ein tîm cynghori, felly rydym yn sicrhau bod gwybodaeth am brosesau academaidd, yn ogystal ag arweiniad ar ymholiadau ariannol a thai, ar gael yn hawdd.  

Ar ein tudalen cynghori ar y we, gallwch ddod o hyd i wybodaeth am y gwahanol brosesau academaidd, gan gynnwys rhai Cwestiynau Cyffredin defnyddiol. Rydym wedi diweddaru ein tudalennau gwe yn ddiweddar i wella hygyrchedd, felly beth am gymryd cip-olwg? 

www.uwtsdunion.co.uk/advice 

Sut gallaf gysylltu â'r tîm cynghori?  

Mae dwy ffordd y gallwch gysylltu â’r tîm cynghori, sef:

1. E-bostio
   unionadvice@uwtsd.ac.uk
2. Cwblhewch y ffurflen gynghori yma
   Advice - UWTSD Students' Union

Beth ddylwn i ei gynnwys yn fy e-bost neu'r ffurflen gynghori?

Mae'n bwysig eich bod yn rhoi cymaint o wybodaeth berthnasol â phosibl i'r Tîm Cynghori. Gan ein bod yn annibynnol, nid oes gennym fynediad at eich cofnod myfyriwr yn y brifysgol. Felly, wrth gysylltu â ni mae'n bwysig eich bod yn cynnwys:

1. Eich enw llawn
2. Eich rhif adnabyddiaeth myfyriwr
3. Eich Rhaglen/Lefel y Cwrs/Campws
4. Amlinelliad byr o'r anawsterau rydych chi’n eu hwynebu a pha gamau a gymerwyd hyd yn hyn
5. Unrhyw atodiadau neu e-byst allweddol a fyddai’n helpu i roi rhywfaint o gyd-destun i’r tîm cynghori 
6. Os ydych chi'n gyfforddus ynghylch datgelu, gallwch chi hefyd sôn am unrhyw anghenion ychwanegol sydd gennych chi - er enghraifft, nam ar y golwg

A allaf drefnu apwyntiad gyda chynghorydd?

Yn y lle cyntaf, bydd angen i chi gysylltu â'r tîm cynghori gan ddefnyddio'r dulliau uchod. Mae hyn yn ein helpu i ddeall eich sefyllfa yn llawn fel y gallwn ddarparu'r cymorth cywir. 

Os bydd angen apwyntiad arnoch, bydd y tîm cynghori yn penderfynu ar y ffordd orau o gynnig cymorth i chi yn y maes hwn. Gallai hyn fod yn apwyntiad dros y ffôn, apwyntiad trwy Microsoft Teams neu'n amodol ar argaeledd, apwyntiad wyneb-yn-wyneb. 

Dyma’r Tîm

Alice, Sophie a Sydney yw'r wynebau cyfeillgar yn y tîm cynghori.